Ermənistan təşvişdədir: Tehran da Zəngəzur dəhlizi məsələsində güzəştə gedir
“Zövq alın: Tehran və Ankara Zəngəzur dəhlizi məsələsini müzakirə edirlər”.
Crossmedia.az xəbər verir ki, bunu erməni politoloq Qaqik Hambaryan “Facebook” səhifəsində yazıb.
“Sizcə, İrəvanda bundan xəbərdardırlarmı? Bəs insanlar bütün bunlarla maraqlanırlar? Nikol Yeni ildən sonrakı cəfəngiyyatları ilə ictimaiyyəti və kütləni bilərəkdən yayındırır. Ermənistanın məsələləri hər yerdə - Moskvada, Vaşinqtonda, Ankarada, Bakıda, Parisdə, Londonda, Tehranda, Brüsseldə, Praqada, İrəvandan başqa bütün yerlərdə həll olunur. Nikolun satqın dəstəsi ictimaiyyəti əmin edir ki, biz suveren və müstəqil ölkəyik. Gördüyümüz kimi, ölkəmizin məsələləri başqa paytaxtlarda həll olunur. Təəssüf ki, Suriyadan qovulan və zəifləyən, Zəngəzur dəhlizinin açılmasının əleyhinə yeganə çıxış edən Tehranın indi bu məsələdə güzəştə gedəcəyi istisna edilmir”, - deyə o qeyd edib.
12:13 11.01.2025
Oxunuş sayı: 13826
