Trampın zəfəri Zukerberqin mövqeyini dəyişdirib
Rusiyalı senator Aleksey Puşkov "Meta" şirkətinin rəhbəri Mark Zukerberqin ABŞ-nin yeni seçilmiş prezidenti Donald Trampın zəfərindən sonra "ayaqqabılarını dəyişdirdiyini" bildirib.
Crossmedia.az xəbər verir ki, senator bu barədə teleqram kanalında etdiyi paylaşımda bildirib. Bu şəkildə o, Trampın 2016-cı ildə ilk qələbəsindən sonra Demokratların “siyasi senzura” tələbi haqqında olan iddialara cavab verib.
"Zukerberqin Trampa sığınması bir çox şəxsin bildiyi şeyləri doğrulayır. Yəni ABŞ mediasında liberal diktatorluq hökm sürdü və bu hələ də bir çox tərəfdən davam edir. Avropada işlər çox pisdir", - deyə Puşkov bildirib.
Bundan əvvəl Mark Zukerberq fakt yoxlama proqramının başa çatdığını və "Meta" sosial şəbəkələrində ifadə məhdudiyyətlərinin aradan qaldırıldığını bildirmişdi. Onun fikrincə, şirkətin saytlarında ifadə azadlığını yenidən təmin etməyin vaxtı çatıb. Həmçinin mövcud məzmun yoxlama proqramlarının həddini aşdığını da etiraf etdi.
Tərlan Əmrahova
11:43 11.01.2025
Oxunuş sayı: 14484
