Atlantik okeanında miqrant qayığında körpə doğuldu
Afrikadan İspaniyanın Kanar adalarına istiqamətlənən miqrant qayıqlarından birində həyəcanlı anlar yaşanıb. 60 nəfərin olduğu qayıqda bir qadın qız uşağı dünyaya gətirib.
Crossmedia.az xarici mətbuata istinadən xəbər verir ki, İspaniya axtarış-xilasetmə xidməti Salvamento Maritimonun verdiyi açıqlamada hadisənin 6 yanvar tarixində Lanzarote adası yaxınlığında baş verdiyi bildirilib. Axtarış zamanı qayıqda 14 qadın və 4 uşaq daxil olmaqla, ümumilikdə 60 nəfərin olduğu, körpənin isə xilasetmə qrupu ora çatmazdan 15 dəqiqə əvvəl dünyaya gəldiyi qeyd olunub.
Ana və yeni doğulmuş körpə helikopter vasitəsilə Lanzarotedəki Arrecife şəhərinə çatdırılıb.
Fidan Hacızadə
14:54 10.01.2025
Oxunuş sayı: 14479
