Cimmi Karter dəfn edilib
ABŞ-ın 39-cu prezidenti Cimmi Karterin dəfn mərasimi cümə axşamı Plains şəhərində keçirilib, mərasim bağlanıb.
Crossmedia.az xəbər verir ki, bu barədə "Associated Press" məlumat yayıb.
Cimmi Karter Karter ailəsinin fermasında həyat yoldaşı Rosalinin yanında dəfn edilib. Keçmiş birinci xanım 2023-cü ildə 96 yaşında vəfat edib.
Cümə axşamı səhər Vaşinqton Milli Katedralində anım mərasimi keçirilib, bundan sonra yerli vaxtla saat 15:30-da (Bakı vaxtı ilə 00:30) Karterin tabutu xüsusi reyslə Corciyadakı Fort Mur Hərbi Hava Qüvvələri bazasına çatdırılıb. Hərbi orkestrin musiqisi və 21 tüfəngli salam sədaları altında kortej və cənazə maşını Plains Baptist kilsəsinə doğru yola düşüb. Orada yalnız ailə üzvlərinin və az sayda dəvət olunmuş qonaqların iştirak etdiyi qapalı, qısa bir anım mərasimi keçirilib.
Xidmətdən sonra keçmiş Amerika liderinin cəsədi olan tabut yenidən cənazə maşınına qoyularaq Karterin malikanəsinə aparılıb. Kortecin keçdiyi yolda insanlar eks-prezidenti son səfərinə yola salmaq üçün növbəyə düzülüblər.
05:23 10.01.2025
Oxunuş sayı: 13517
