Bursada təlim təyyarəsi qəzaya uğradı
Bursa Qubernatorluğundan verilən açıqlamaya görə, qəzaya uğrayan təyyarə “Yunuseli” hava limanından havaya qalxan təlim təyyarəsi olub. Təyyarədə yalnız pilot olub, qəzadan sonra pilot yüngül xəsarətlərlə xəstəxanaya çatdırılıb. Qubernatorluq hadisə yerinə təcili olaraq yanğınsöndürmə briqadası, polis və tibb qruplarının göndərildiyini və qəza ilə bağlı araşdırmaların davam etdiyini bildirib.
Crossmedia.az-ın türk mətbuatına istinadən veridiyi xəbərə görə, yerli sakinlər bildiriblər ki, təyyarə hava limanı yaxınlığında enərkən qəzaya uğrayıb və sonra kiçik yanğın başlayıb. Yanğın qrupların müdaxiləsi ilə nəzarət altına alınarkən, pilotun öz səyi ilə təyyarədən çıxa bildiyi bildirilib.
Hadisə şahidləri qəzadan sonra yüksək səs eşitdiklərini bildiriblər. Qəzadan sonra səlahiyyətlilər təyyarə qəzasının səbəblərini araşdırmaq üçün texniki araşdırmaya başlayıb. Mütəxəssislər hava şəraiti və təyyarənin mexaniki vəziyyəti kimi bir çox amilləri qiymətləndirirlər. Bursada baş verən bu kədərli qəzadan sonra aviasiya səlahiyyətliləri pilotların və təyyarələrin təlim proseslərində mümkün risklərin daha diqqətlə qiymətləndirilməsi lazım olduğunu bir daha vurğuladı.
Nərgiz Camalzadə
15:07 08.01.2025
Oxunuş sayı: 12451
