Dünyanın ən məşhur silahı sayılan AK-47 Türkiyədə inkişaf etdirilir
2014-cü ildə qurulan, Türkiyənin Konya vilayətinin Beyşehir şəhərində fəaliyyətə başlayan və tüfəng istehsalına diqqət yetirən “Özgüven Savunma” yerli həlləri ilə ölkənin müdafiə sənayesi ekosisteminin inkişafına töhfə verir.
Yüksək keyfiyyətli odlu silahların və əlaqəli komponentlərin hərtərəfli xəttini təklif edən şirkət dəqiq mühəndis tüfəngləri, tapançaları və odlu silah komponentlərini layihələndirir, istehsal edir və montajını həyata keçirir.
Crossmedia.az xəbər verir ki, bu kontekstdə şirkət üstün performansı və etibarlılığı ilə seçilən OZG762 7.62×39 AK modelini təkmilləşdirir.
Dünyanın ən məşhur silahı sayılan Rusiya istehsalı AK-47 beləliklə şirkət tərəfindən ölkə daxilində inkişaf etdirilir.
7,62×39 mm-lik döyüş sursatından istifadə edən AK-47 tüfəngləri preslənmiş polad gövdədən ibarətdir.
Atış sınaqlarından uğurla keçən silah dəqiqədə 600 atış sürətinə çatır.
16:39 07.01.2025
Oxunuş sayı: 18366
