"JetBlue” təyyarəsinin şassi bölməsində iki nəfərin cəsədi tapılıb
Cəsədlər Florida ştatında Fort-Loderdeyl beynəlxalq hava limanında uçuşdan sonra təyyarəyə texniki baxış keçirilərkən tapılıb. Hadisə bazar ertəsi axşamı baş verib və məlumat çərşənbə axşamı mətbuata təqdim edilib.
Bu barədə Crossmedia.az “TASS”a istinadən xəbər verir.
Aviaşirkətin bəyanatında bildirilib ki, “hazırda həlak olan şəxslərin kimliyi və onların təyyarəyə necə daxil olduqları barədə məlumat yoxdur.”
“JetBlue” baş verən hadisəni “dəhşətli vəziyyət” adlandıraraq, bütün halların araşdırılması üçün hüquq-mühafizə orqanları ilə tam əməkdaşlığa hazır olduqlarını vurğulayıb.
Nərgiz Camalzadə
14:41 07.01.2025
Oxunuş sayı: 7243
