Rusiyanın bu şəhərində fövqəladə vəziyyət rejimi tətbiq edilib
Petrozavodskda yaşayış binalarından birində məişət qazının partlamasından sonra bələdiyyə səviyyəsində fövqəladə vəziyyət tətbiq edilib.
Crossmedia.az xəbər verir ki, bu barədə Kareliya Respublikasının qubernatoru Artur Parfençikov öz Telegram kanalında məlumat verib.
Rayon rəhbərinin sözlərinə görə, belə tədbirlər hadisənin nəticələrini tez bir zamanda aradan qaldıracaq. O əlavə edib ki, 4 nəfər müxtəlif dərəcəli bədən xəsarətləri ilə Respublika Təcili Tibbi Yardım Xəstəxanasına yerləşdirilib.
Parfençikov Lunaçarski küçəsindəki evin sakinlərinin təxliyə olunduğunu da qeyd edib. Altı nəfər Pervomayski prospektindəki yataqxanaya, iki nəfər isə Studençeski prospektindəki idman məktəbi yataqxanasına göndərilib. Qohumları və dostları ilə qalmağa üstünlük verən insanların evlərinə getməsinə köməklik edilib.
Yanvarın 6-da Petrozavodskda beşmərtəbəli yaşayış binasında qaz partlayışı baş verib. Qaz-hava qarışığının partlaması nəticəsində mənzillərdən birinin daxili divarı uçub.
09:25 07.01.2025
Oxunuş sayı: 15984
