Xarici xəbərlər
İordaniyada kilsədə dəfn mərasiminə silahlı hücum: 7 nəfər öldürülü
İordaniyanın cənubundakı Kərək əyalətində kilsədə keçirilən dəfn mərasimi zamanı silahlı hücum nəticəsində azı 7 nəfər ölüb, təxminən 10 nəfər yaralanıb.
Crossmedia.az xəbər verir ki, hadisə ilə bağlı məlumat beynəlxalq media orqanlarında yayılıb.
Hücum paytaxt Əmmandan təxminən 100 kilometr cənubda yerləşən Hmud kəndindəki kilsədə baş verib.
Məlumatlara görə, iki silahlı şəxs avtomobildən düşərək dəfn mərasimində iştirak edən insanlara atəş açıb. Şahidlərdən birinin sözlərinə görə, atışma təxminən beş dəqiqə davam edib, daha sonra hücum edənlər hadisə yerindən qaçıblar.
Yaralananlardan bəzilərinin vəziyyətinin ağır olduğu bildirilir.
Təhlükəsizlik qüvvələri hadisəni törədən şəxslərin tutulması istiqamətində əməliyyat keçirir.
16:26 23.10.2026
Oxunuş sayı: 73
