Paris yaxınlığında silahlı hücum: Ölən və yaralananlar var
Fransanın paytaxtı Paris yaxınlığındakı Trapp şəhərində baş verən atışma nəticəsində bir nəfər ölüb, dörd nəfər yaralanıb.
Crossmedia.az xəbər verir ki, BFMTV telekanalı mənbəsinə istinadən bu barədə məlumat yayıb.
Bildirilib ki, 39 yaşlı kişi avtomobilindən ətrafdakılara atəş açıb.
RTL telekanalının polis və yerli hakimiyyət orqanlarındakı mənbələrə istinadən yaydığı məlumata görə, şübhəli şəxs saxlanılıb.
Hadisə yerinə təcili yardım və digər operativ xidmətlərin əməkdaşları cəlb olunub.
Məlumata əsasən, hücum zamanı İkinci Dünya müharibəsi dövrünə aid tapança-pulemyotdan istifadə edildiyi iddia olunur.
Hadisənin motivi hələlik məlum deyil. Fransa Baş naziri Sebastyen Lekornü təhlükəsizlik qüvvələrinin və məhkəmə orqanlarının səfərbər edildiyini bildirib.
Yaralananlar arasında 12 yaşlı qız da var. Fransa Milli Antiterror Prokurorluğu hadisəni diqqətdə saxladığını açıqlayıb.
15:31 23.10.2026
Oxunuş sayı: 58
