Natiq Məmmədli: Rəqəmsal dövrdə Azərbaycanın səsinin dünyaya çatdırılmasında jurnalistlərin rolu müstəsnadır
Mətbuat Şurası Azərbaycanın media mühitində doğrudan da özünəməxsus bir təşkilatdır. Vətəndaş cəmiyyətində özünəməxsus yer tutan və maraqlı ənənələr yaratmış bir təşkilatdır.
Crossmedia.az xəbər verir ki, bunu Rəşid Behbudov adına Mahnı Teatrında Mətbuat Şurasının IX Qurultayında çıxışı zamanı Azərbaycan Media və Yayım Şurasının şöbə müdiri Natiq Məmmədli deyib.
O, qeyd edib ki, Mətbuat Şurasındakı fəaliyyətə görə İdarə Heyətinin bütün üzvlərinə təşəkkürümüzü bildiririk: “Yeni seçiləcək İdarə Heyətinə uğurlar arzulayırıq. Azərbaycan jurnalistikası çox böyük bir mərhələni adlayıb, tarixində dərin iz qoymuş mərhələlərdən keçib. Biz indi növbəti rəqəmsal dövrdə yaşayan jurnalistikayıq. Bu dövrün tələblərinə cavab vermək lazımdır. Jurnalistika tarix boyu dövrün tələblərinə cavab verən aparıcı sahə olub. Biz əminik ki, rəqəmsal dövrdə də Azərbaycan səsinin yerli və beynəlxalq auditoriyaya çatdırılmasında müstəsna rol oynayan jurnalistlərimiz bu missiyanı layiqincə yerinə yetirəcəklər”.
11:05 16.10.2026
Oxunuş sayı: 63
