Avropa İttifaqı Çindən asılılığı azaltmaq üçün Vyetnama üz tutur
Avropa İttifaqı müdafiə sənayesi üçün vacib olan kritik mineralların tədarükünü şaxələndirmək və Çindən asılılığını azaltmaq məqsədilə Vyetnamla əlaqələri dərinləşdirməyə çalışır.
Crossmedia.az xəbər verir ki, “Reuters” agentliyi bu barədə Aİ-nin daxili sənədlərinə istinadən məlumat yayıb.
Vyetnam volfram, nadir torpaq elementləri və digər strateji əhəmiyyətli mineralların böyük ehtiyatlarına malikdir. Bu xammallar müdafiə sənayesində istifadə olunan müxtəlif texnologiyaların istehsalı üçün vacib hesab edilir.
Avropa ölkələri müdafiə imkanlarını gücləndirdiyi bir vaxtda xammal təchizatını şaxələndirməyə çalışırlar. Bu istiqamətdə səylər xüsusilə ötən il Çinin ixraca tətbiq etdiyi məhdudiyyətlərin Avropanın təchizat zəncirlərində fasilələr yaratmasından sonra intensivləşib.
11:57 14.10.2026
Oxunuş sayı: 49
