2024-cü il İsrailin hücumlarına görə Fələstin jurnalistikası tarixində ən pis il olacaq
Fələstin hökumətinin Media Ofisinin direktoru İsmayıl əl-Səvabit, İsrailin sistematik olaraq fələstinli jurnalistləri hədəf almağa davam etdiyini bildirib.
Crossmedia.az Anadolu Agentliyinə istinadən xəbər verir ki, Səvabit bildirib ki, İsrail hücumları ilə faktları ört-basdır etmək və Fələstin xalqının məruz qaldığı zülm, haqsızlıqların yayılmasının qarşısını almağa çalışır.
“İsrailin 2023-cü ilin oktyabrında Qəzzaya qarşı soyqırıma başlaması ilə 2024-cü il Fələstin mətbuatının, eləcə də dünyanın ən pis ili oldu" - deyə Səvabit bildirib.
Hökumətin Qəzzadakı Media Ofisindən İsrail ordusunun 7 oktyabr 2023-cü il tarixindən etibarən Qəzzadakı hücumlarda ölən jurnalistlərin sayının 202-yə yüksəldiyi bildirilib.
Direktor 2024-cü ildəki hücumlarda bir çox media və yayım mərkəzinin tamamilə məhv edildiyini bildirib. Səvabit vurğulayıb ki, İsrailin törətdiyi cinayətlər silahlı münaqişə zamanı jurnalistləri müdafiə edən beynəlxalq humanitar hüququn və Cenevrə konvensiyalarının açıq şəkildə pozulmasıdır.
Səvabit qərb mediasının qərəzli olduğunu və bir çoxunun yalan məlumat verdiyini bildirib. Fələstin və İsrail mövzusunda onları daha cəsarətli olmağa çağırıb.
"Fələstin mediası İsrail işğalını və onun cinayətlərini ifşa etməyi bacarıb. Biz fələstinlilərin acılarını bütün dünyaya çatdıran həqiqətin səsi olmağa davam edəcəyik" sözləri ilə Səvabit fikirlərini yekunlaşdırıb.
Tərlan Əmrahova
17:51 05.01.2025
Oxunuş sayı: 5782
