Bu hava limanında reyslər təxirə salınıb
Almaniyada yağan güclü qar və soyuq havanın Frankfurt hava limanında məhdudiyyətlərə səbəb olduğu bildirilib.
Crossmedia.az Anadolu Agentliyinə istinadən xəbər verir ki, hava limanı sözçüsünün Alman mətbuatına verdiyi açıqlamaya görə, bu gün planlaşdırılan 1090 reysdən 120-si ləğv edilib.
Bildirilib ki, uçuş-enmə zolaqlarının təmizlənməsi və görmə qabiliyyəti ilə əlaqədar olaraq ləğvlər olub. Hava limanının internet saytında səyahət edəcək sərnişinləri diqqətli olmağa çağırıb. Edəcəkləri uçuşlarla bağlı əlaqəli hava yolu şirkətləriylə danışmağı məsləhət görüblər.
Almaniya Meteorologiya İdarəsi də ölkənin bir çox əyalətlərində buzlanma ilə bağlı xəbərdarlıq edib. Dünən Berlin hava limanında buzlanma səbəbindən 30 reys təxirə salınıb.
Tərlan Əmrahova
17:18 05.01.2025
Oxunuş sayı: 4428
