Cəmiyyət
Bakıda iki rayonda yollar bağlanacaq: tarixlər açıqlandı
Bakının Suraxanı və Binəqədi rayonlarında aparılacaq təmir işləri ilə əlaqədar bəzi yollarda nəqliyyat vasitələrinin hərəkəti qismən və tam məhdudlaşdırılacaq.
Crossmedia.az xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Bildirilib ki, oktyabrın 14-ü saat 08:00-dan Suraxanı rayonunun Hövsan qəsəbəsində Elvin Əlimov küçəsinin Ağadadaş Müniri küçəsi ilə kəsişməsindən 10-cu Hövsan küçəsi ilə kəsişməsinədək olan hissəsində hərəkət qismən məhdudlaşdırılacaq.
Binəqədi rayonunda isə Binəqədi şossesinin Mehdiabad yolu ilə kəsişməsindən Zəngəzur küçəsi ilə kəsişməsinədək olan hissəsində məhdudiyyətlər tətbiq ediləcək. Belə ki, oktyabrın 15-i saat 08:00-dan hərəkət qismən, oktyabrın 16-sı saat 23:00-dan isə tam məhdudlaşdırılacaq.
Sürücülərdən yollarda sıxlığın yaranmaması üçün alternativ marşrutlardan istifadə etmələri və hərəkət zamanı diqqətli olmaları xahiş olunur.
21:46 13.10.2026
Oxunuş sayı: 47
