ABŞ-dən İsrailə uçan təyyarədə bomba həyəcanı – Təyyarə boşaldıldı
Nyu-Yorkdan İsrailə uçan “Delta Air Lines” aviaşirkətinə məxsus sərnişin təyyarəsi Ben Qurion hava limanına endikdən sonra anonim bomba hədəsi səbəbindən yoxlanılıb.
Crossmedia.az xəbər verir ki, bu barədə İsrail mətbuatı, o cümlədən “Yedioth Ahronoth” qəzeti məlumat yayıb.
Məlumata görə, təyyarə Təl-Əviv yaxınlığındakı Ben Qurion hava limanına eniş etdikdən sonra sərnişinlər təxliyə olunub və təhlükəsizlik qüvvələri təyyarədə axtarış aparıblar.
Bildirilib ki, yoxlamalara səbəb təyyarənin göyərtəsində bomba olması barədə anonim xəbərdarlıq olub.
Hazırda hədənin nə dərəcədə real olduğu dəqiqləşdirilməyib və təhlükəsizlik yoxlamaları davam etdirilir.
İsrail rəsmiləri indiyədək təyyarədə şübhəli əşyanın aşkarlanıb-aşkarlanmadığı və təhdidin mənbəyi barədə əlavə məlumat verməyiblər.
10:57 13.10.2026
Oxunuş sayı: 100
