Qar hava limanlarının bağlanmasına səbəb olub
Crossmedia.az xəbər verir ki, Birləşmiş Krallıqda güclü qar səbəbindən bir neçə hava limanı bağlanıb, yollarda isə qəzalar baş verib.
Mançester Hava Limanı və Liverpul Con Lennon Hava Limanı qar səbəbindən uçuş-enmə zolaqlarını müvəqqəti olaraq bağlayıb.
Mançester Hava Limanının açıqlamasında komandanın uçuş-enmə zolaqlarını mümkün qədər tez təmizləmək üçün çalışdığı vurğulanıb. Uçuş-enmə zolağının bağlanmasına baxmayaraq, Liverpul Con Lennon Hava Limanı fəaliyyətini davam etdirib.
Dünən axşamdan etibarən Bristol Hava Limanında da uçuşlar dayandırılıb. Oxşar vəziyyət London Luton Hava Limanında da yaşanıb, bəzi uçuşların gecikdiyi hava limanının rəsmi veb saytında göstərilib.
Səyahətçilərə hava limanlarına getməzdən əvvəl mövcud vəziyyəti yoxlamaları tövsiyə olunur.
Nabat Fərzəliyeva
13:59 05.01.2025
Oxunuş sayı: 10164
