Qatar hərəkətdə olarkən dəmir yolu körpüsü çöküb
ABŞ-ın Oreqon ştatının Korvallis şəhəri yaxınlığında yük qatarının keçidi zamanı dəmir yolu körpüsü çöküb, bir vaqon çaya düşüb.
Bu barədə Crossmedia.az Portland & Western Railroad (PNWR) dəmir yolu şirkətinə istinadən məlumat verir.
Hadisə 4 dekabr tarixində günorta saatlarında Korvallisdəki Everi parkının yaxınlığında baş verib.
PNWR-in nümayəndəsi telekanala bildirib ki, 19 vaqondan ibarət və karbamid (azot gübrəsi) daşıyan qatar körpüdən keçərkən körpü dağılıb. Hadisənin səbəbləri hələlik məlum deyil.
Yerli sakinlərə hadisə yerindən uzaq durmaq və çaya yaxınlaşmamaq tövsiyə olunub, çünki suya karbamid sızmış ola bilər.
Gültac Mehdizadə
12:29 05.01.2025
Oxunuş sayı: 10930
