Dolları boykot edən ölkələrin sayı artıb
2024-cü ildə daha 14 ölkə deadollarizasiya yoluna qədəm qoydu.
Crossmedia.az xəbər verir ki, ötən il ərzində Qvineya-Bisau rəsmi olaraq Rusiya ilə milli valyutalarda hesablamalara maraq göstərdi. Eyni zamanda, Monqolustan demək olar ki, tamamilə rubl və Yuan ilə hesablaşmalara keçdi. Burkina Faso, Nigeriya, Konqo Respublikası, Sudan və bir sıra digər ölkələr də milli valyutaların ticarətdə Aktiv istifadəsini hədəf aldılar.
Nəşr qeyd edir ki, ölkələr üç qrupa bölünüb. Birincisi, dollara qarşı çıxmayan və ya bununla bağlı məhdudiyyətlər tətbiq etməyən 94 dövlətdən və Amerika valyutasının rəsmi olaraq istifadə edildiyi ölkələrdən ibarətdir. İkincisinə aktiv olaraq milli valyutalarda hesablaşmalara keçən və ya ərazilərində dollarla hesablaşmaları məhdudlaşdıran 46 dövlət daxildir. Daha 53 ölkə açıq şəkildə Amerika valyutasına qarşı çıxır və digər dövlətləri onun hegemonluğunun zəifləməsinə qoşulmağa çağırır.
11:04 05.01.2025
Oxunuş sayı: 4885
