Orduda yeni era başlayır: PUA-ların yarışı
Britaniya Ordusu ilk dəfə pilotsuz uçuş aparatları (PUA) yarışını rəsmi idman növü kimi tanıyacaq. Bu barədə Crossmedia.az, The Telegraph qəzetinə istinadən məlumat yayıb.
Bu aydan etibarən Silahlı Qüvvələrin İdman Şurası Britaniya Ordusu PUA Assosiasiyasını tanıyacaq. Yarışlarda saatda 100 mil sürətlə hərəkət edən FPV dronları virtual reallıq eynəkləri vasitəsilə idarə olunur. GPS və stabilizasiya sistemi olmayan bu dronlar tamamilə operatorun bacarığına əsaslanır.
İdmanın populyarlaşması Britaniya Ordusu Ehtiyatının üzvü və “Point Zenith” şirkətinin qurucusu Polkovnik-leytenant Karl Ezenin dəstəyi ilə mümkün olub.
Ordunun nümayəndəsi bildirib: “Biz müxtəlif idman növlərini təşviq edirik, xüsusilə orduda tətbiq oluna bilən bacarıqlar qazandırırsa.”
Emil Bağızadə
06:33 05.01.2025
Oxunuş sayı: 5896
