Türkiyədə rekord şaxtalar: çaylar və göllər donub
Yeni ilin başlaması ilə Şərqi Anadolu havaların kəskin soyuqlaşması dövrünə qədəm qoyub.
Yanvarın 4-nə keçən gecə Ərzurum vilayətinin Tekman rayonunda termometrlər rekord mənfi 33,1 dərəcəni göstərir.
Crossmedia.az Türkiyə mətbuatına istinadən xəbər verir ki, Türkiyənin Meteorologiya Baş İdarəsi Ərzurumun Hacıomer kəndini “son 24 saatda ölkədəki ən soyuq nöqtə” elan edib.
Çaylar və göllər buz bağlayıb. Əhaliyə zərurət olmadıqca küçəyə çıxmamaq tövsiyə olunub.
Ardahan vilayətinin Gölə rayonunda 28,8 dərəcə şaxta, Ərzincanın Çayırlı rayonunda mənfi 27,8, Vanda Çaldıran rayonunda mənfi 26,6, Sarıqamışda (Qars) mənfi 22,1 dərəcə şaxta qeydə alınıb.
Türkiyənin şərqində şiddətli şaxtalar yanvarın 8-dək müşahidə ediləcək.
18:40 04.01.2025
Oxunuş sayı: 5746
