İOM hesabatı : Haitinin paytaxtında silahlı dəstələr…
Haitinin paytaxtı Port-o-Prinsin Poste Marchand bölgəsində və ətrafında silahlı dəstələrin səbəb olduğu məcburi köç var.
Crossmedia.az “HaberGlobal”a istinadla xəbər verir ki, bu barədə Beynəlxalq Miqrasiya Təşkilatının (IOM) dərc etdiyi hesabatda bildirilib.
Məlumatda, dəstələrin hücumlarının davam etdiyi və son bir neçə gündə 11 mindən çox insanın evlərini tərk etdiyi vurğulanıb.
Qeyd edək ki, Haiti əhalisinin yarısı, yəni 5,4 milyon insan, gündəlik qidalanmaqda çətinlik çəkir. Ümumdünya Ərzaq Proqramının (WFP) hesabatına görə, Haiti dünyada ən pis ərzaq təhlükəsizliyi vəziyyətlərindən birinə sahibdir.
Həmçinin, 2024-cü ildə silahlı dəstələrin hücumları nəticəsində 5 mindən çox insan həlak olub. Silahlı dəstələr paytaxtın 80 faizinə nəzarət edir və zorakılıq artmaqdadır.
Nəzrin Salmanova
13:36 04.01.2025
Oxunuş sayı: 33685
