Hadisə
Gömrükdə bəyan edilməyən yüklər aşkarlanıb
Bakı Baş Gömrük İdarəsinin “Abşeron” gömrük postunda Çindən Azərbaycan vətəndaşının ünvanına gələn yüklərə gömrük baxışı keçirilib.
Crossmedia.az bu barədə Dövlət Gömrük Komitəsinə istinadən xəbər verir.
Məlumata görə, yoxlama zamanı gömrük bəyannaməsində “futbol topları və termos” kimi qeyd olunan yükün içərisindən, gömrük orqanına bəyan edilməyən, mülki dövriyyədən çıxarılan və idxalına icazə verilməyən diametri 0,5 mm-dən az olan sintetik təkqat saplardan toxunmuş və dəliklərin konstruktiv ölçüləri 120 mm-dən kiçik ilgəkli 4 846 ədəd balıqtutan tor aşkar edilib.
13:14 04.01.2025
Oxunuş sayı: 15044
