Rusiya İsraili Qəzza zolağında hərbi əməliyyatları dayandırmağa çağırıb
Rusiya BMT Təhlükəsizlik Şurasının fövqəladə iclasında İsraili Qəzza zolağında hərbi əməliyyatlara dərhal son qoymağa çağırıb.
Crossmedia.az “TASS”a istinadla xəbər verir ki, bu barədə Rusiyanın BMT-dəki nümayəndəsi Vasili Nebenzya məlumat verib.
“İsrailin Fələstin anklavını blokadaya alması humanitar böhran yaradıb. Qaçqınların sayı milyonlarladır və Qəzza zolağında səhiyyə sistemi demək olar ki dağıdılıb.İsrailin təhlükəsizliyinin təmin olunması üçün fələstinlilərin öz vətənlərinə qayıtmaq hüququ həyata keçirilməlidir. Bu hüquq 1967-ci il sərhədləri çərçivəsində, yəni Şərqi Qüdslə birlikdə təmin edilməlidir”,- deyə o bildirib.
Nəzrin Salmanova
09:45 04.01.2025
Oxunuş sayı: 32695
