İranın Rusiyaya silah verməsi ilə bağlı yeni iddialar yayılıb
İran mənbələrində İveco şassisi əsasında yük maşınları kimi maskalanan və Rusiya ərazisinə göndərilməyə hazırlaşdıqları iddia edilən Fath-360 raket buraxılış qurğuları və Arman taktiki raket müdafiə sistemlərinin əks olunduğu yeni görüntülər yayılıb.
Crossmedia.az xəbər verir ki, yayılmış məlumatlara görə, Rusiyaya bu sistemlərdən əlavə müəyyən optik-elektron sistem də veriləcək.
İranın “Sepehr-14” optik-elektron izləmə və atəşə nəzarət sisteminə gəlincə, o, “Raad-1” və “Raad-2” hava hücumundan müdafiə sistemləri ilə birgə işləyən və hədəflərin optik aşkarlanması və izlənməsi üçün istifadə olunan sistemdir.
Bu cür sistemlərin mənfi cəhəti pis hava şəraitində işləməməsidir. Üstünlüyü elektromaqnit dalğaları yaymamaları və buna görə düşmən qüvvə üçün praktiki olaraq görünməz olmasıdır. Optik sistemlərin başqa bir üstünlüyü hədəfi vizual olaraq müəyyən etmək imkanıdır, çünki operator obyektin yüksək keyfiyyətli şəklini qəbul edir.
“Sepehr-14” çoxkanallı elektrooptika, termal kamera və əlverişsiz hava şəraitinə işləyən gecəgörmə cihazı ilə təchiz olunub. Onun optik sisteminin maksimal istiqamətləndirmə diapazonu 55 km, izləmə sisteminin diapazonu isə 80 km-dir. Bundan əlavə, sistem 60 km-ə qədər aşkarlama diapazonuna malik radarla təchiz edilib və zəif görmə şəraitində işə salına bilir.
07:38 04.01.2025
Oxunuş sayı: 5778
