Rusiya təyyarəsi Misirdə məcburi eniş edib
Misir Mülki Aviasiya Nazirliyi Rusiyanın “Ural Airlines” hava yolu şirkətinə məxsus bir sərnişin təyyarəsinin texniki nasazlıq səbəbindən Şarm əş-Şeyx Hava Limanına məcburi eniş etdiyini açıqlayıb.
Crossmedia.az xəbər verir ki, Nazirliyin verdiyi məlumata əsasən, cümə axşamı Airbus A-321 tipli təyyarə 236 sərnişinlə Şarm əş-Şeyxdən Rusiyanın Yekaterinburq şəhərinə uçarkən qalxışdan10 dəqiqə sonra mühərriklərdən birində texniki nasazlıq aşkarlanıb. Təyyarənin pilotu dərhal nəzarət qülləsi ilə əlaqə saxlayaraq məcburi eniş üçün icazə istəyib.
Təyyarə yerli vaxtla saat 16:55-də Şarm əş-Şeyx hava limanına uğurla enib. Bütün sərnişinlər təhlükəsiz şəkildə xarici xəttlər terminalına köçürülüb.
Hazırda mütəxəssis qrupları təyyarədəki nasazlığın səbəbini araşdırır və təmir işləri ilə məşğul olurlar.
Fidan Hacızadə
07:15 04.01.2025
Oxunuş sayı: 10228
