NBA ulduzu Stiven Karri yeni rekorda imza atıb
Stiven Karri məşq zamanı sağ əlinin baş barmağının burxulmasına baxmayaraq, “Filadelfiya 76ers”ə qarşı 30 dəqiqə oynayıb.
Cümə axşamı gecəsi Stiven Karri karyerasının ən baxımlı performanslarından birini sərgiləyərək, komandasının “Filadelfiya 76ers”i 139-105 hesabı ilə məğlub etməsinə səbəb olub.
İkiqat NBA “ən dəyərli oyunçu”su Stiven Karri 30 xal, 10 assist və 6 ribaundluq oyunu ilə liga tarixinə düşüb. Ulduz basketbolçu eyni oyunda 8 üç xallıq atışının hər birini uğurla yerinə yetirən və ilk iki rəqəmli assist sayına çatan oyunçu olub.
Crossmedia.az “CNN Sport”a istinadən xəbər verir ki, “Qolden Steyt Uorriors” komandasının baş məşqçisi Stiv Kerr oyunçusu Stiven Karri haqqında, onun bu gecələrə layiq olduğunu bildirib:
“Demək istəyirəm ki, Karrinin bizim üçün etdiyi şeylər, gördüyü işlər və qarşılaşdığı çətinliklər danılmazdır. Onu bu prosesdə görmək maraqlı və əyləncəlidir. Azarkeşlər, məşqçilər və oyunçular, bir sözlə, biz hamımız gecə-gündüz onun oyununu izləməkdən məmnunuq.”
Nicat Rüstəmzadə
13:11 03.01.2025
Oxunuş sayı: 11088
