Məzlumlar üçün hamımız birlikdə dua edirik - Kurtulmuş
Türkiyə Böyük Millət Məclisinin sədri Numan Kurtulmuş Rəgaip Kandilini təbrik edərkən, “Fələstin də başda olmaq üzrə bütün dünyada məzlumların yaşadığı bəlaların sona çatması və bərabərliyin hökm sürdüyü qlobal nizamın qurulması üçün dua edirik” deyib.
Crossmedia.az xəbər verir ki, bu barədə N.Kurtulmuş sosial media hesabında yayımladığı mesajında bildirib.
TBMM sədri Kurtulmuş mesajında daha sonra bu sözləri qeyd edib:
"Zülm və işğala qarşı mübarizə aparan qardaş və bacılarımızın yanında durmağı, haqq və hüquq əsasında həmrəyliyi davam etdirəcəyik. Bu mənəvi mühit millətimizin birliyini, diriliyini və əmin-amanlığını gücləndirəcək. Daha ədalətli və firavan bir Türkiyə üçün səylərimizi gücləndirəcəyimizə inanıram. İslam dünyasının və bütün dünyanın sülh və əmin-amanlığın içində olması arzusu ilə Müqəddəs Rəgaip Gecəmiz mübarək, dualarımız qəbul olsun”.
Tərlan Əmrahova
16:33 02.01.2025
Oxunuş sayı: 17545
