İlon Mask dünyanın ən varlı 10 adamının siyahısına başçılıq edir
2025-ci il yanvarın 2-nə olan məlumata görə, dünyanın ən varlı 10 adamının siyahısına “Tesla” və “SpaceX”ın rəhbəri İlon Mask başçılıq edir, onun sərvəti 432 milyard dollardır.
Crossmedia.az xəbər verir ki, bu barədə “Bloomberg” agentliyi məlumat yayıb.
Məlumatda bildirildiyinə görə, ikinci yerdə 239 milyard dollarla “Amazon”un qurucusu Ceff Bezos, növbəti pillələrdə isə “Meta”nın rəhbəri Mark Zukerberq (270 milyard dollar), “Oracle”ın həmtəsisçisi Larri Ellison (192 milyard dollar) və LVMH şirkətlər qrupunun prezidenti Bernar Arno (176 milyard dollar) qərarlaşıb.
Siyahıya həmçinin, “Google”un həmtəsisçisi Larri Peyc (168 milyard dollar), “Microsoft”un həmtəsisçisi Bill Qeyts (159 milyard dollar), “Google”un həmtəsisçisi Sergey Brin (158 milyard dollar), “Microsoft”un keçmiş rəhbəri Stiv Balmer (147 milyard dollar) və “Berkshire Hathaway”in Direktorlar Şurasının sədri Uorren Baffet (142 milyard dollar) daxildir.
Qeyd edək ki, 2024-cü ilin yekunları üzrə dünyanın ən varlı 500 adamının ümumi sərvəti 10 trilyon dolları ötüb. Reytinqin liderləri Mask, Zukerberq və “Nvidia”nın direktoru Censen Huanq olub. Noyabrda ABŞ-də keçirilən prezident seçkilərində Donald Trampın qələbəsindən sonra ən varlı insanların aktivləri bir gün ərzində 63,5 milyard dollar artıb.
Nəzrin Salmanova
14:00 02.01.2025
Oxunuş sayı: 23022
