“Qarabağ təhsilinin ənənələri: keçmişdən gələcəyə” layihəsinə start verildi
Beynəlxalq Liberal Maarifçilik Mərkəzi Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qarabağ təhsilinin ənənələri: keçmişdən gələcəyə” adlı layihənin icrasına başlayıb.
Crossmedia.az xəbər verir ki, layihənin məqsədi - Qarabağ bölgəsində tarixən formalaşmış təhsil və maarifçilik ənənələrinin araşdırılması, bu sahədə mühüm xidmətləri olmuş ziyalıların, müəllimlərin və maarif xadimlərinin fəaliyyətinin öyrənilməsi, həmin irsin geniş ictimaiyyətə və gənc nəslə çatdırılmasıdır.
1 iyul 2026-ci il tarixindən etibarən 3 ay müddətində həyata keçiriləcək layihə çərçivəsində Qarabağ bölgəsinin zəngin təhsil və maarifçilik ənənələri, burada fəaliyyət göstərmiş tanınmış müəllim, pedaqoq və ziyalıların fəaliyyəti sistemli şəkildə araşdırılacaq, toplanmış məlumatlar ictimaiyyətə təqdim olunacaq və bu irsin gələcək nəsillərə çatdırılması istiqamətində maarifləndirici fəaliyyətlər həyata keçiriləcək.
Layihə, eyni zamanda, Qarabağın zəngin təhsil və maarifçilik ənənələrinin araşdırılması, bu irsin cəmiyyətə daha geniş şəkildə tanıdılması və gələcək nəsillərə ötürülməsi baxımından xüsusi əhəmiyyət daşıyır. Bölgənin elm, təhsil və maarifçilik tarixinin öyrənilməsi, bu sahədə iz qoymuş ziyalıların fəaliyyətinin təbliği və tarixi yaddaşın qorunması milli-mədəni irsimizin yaşadılması baxımından mühüm vəzifələrdən biridir.
Layihənin icrası müddətində müvafiq dövlət qurumları və təşkilatlarla əməkdaşlıq ediləcəkdir.
13:44 01.07.2026
Oxunuş sayı: 18
