Mançesterdə Yeni İl günündə baş verən daşqınlar böyük fəsadlara səbəb olub
1 yanvar 2025-ci ildə İngiltərənin Mançester şəhərində baş vermiş daşqınlar nəticəsində bölgədə fövqəladə vəziyyət elan edilib. Bölgədə genişmiqyaslı daşqınlar yaşayış yerlərini, yolları və nəqliyyatı ciddi şəkildə zərər görüb.
Crossmedia.az xəbər verir ki, Mançesterin küçələrində suyun səviyyəsi yüksəlib, nəticədə bir çox avtomobil tamamilə su altında qalıb.
Fotoqraflar tərəfindən çəkilən görüntülərdə maşınların daşqının ortasında yararsız vəziyyətə düşdüyü aydın görünür.
Yolları keçilməz edən daşqınlara baxmayaraq, xilasedici xidmətlər təxliyə işlərini davam etdirir. Bölgədə vəziyyətin nəzarət altına alınması üçün xüsusi təchizatlı xilasetmə maşınları və dronlar cəlb olunub.
Fotoşəkillərdən birində daşqın səbəbindən evində köməksiz qalan bir qadın əks olunub. Bu vəziyyət suyun dağıdıcı təsirinin və insanların gündəlik həyatına mənfi təsirinin bariz nümunəsidir.
Dron vasitəsilə çəkilmiş havadan görüntülərdə suyun yolları tamamilə bürüdüyü, avtomobillərin dayanacaq yerlərində belə batdığı görünür.
Mançester şəhərində fövqəladə vəziyyətin aradan qaldırılması üçün əlavə tədbirlər görülməkdədir. Bu təbii fəlakət daşqınlarla mübarizə üçün qlobal miqyasda daha effektiv tədbirlərin görülməsinin vacibliyini bir daha ortaya qoyur.
Nihat Tahirov
05:51 02.01.2025
Oxunuş sayı: 7273
