Zelenski: "Komandamız 189 ukraynalını vətənə gətirə bildi"
"Xalqımızın rus əsarətindən qayıtması hamımız üçün xoş xəbərdir. Bu gün komandamız 189 ukraynalını vətənə gətirə bildi".
Crossmedia.az xəbər verir ki, bu sözləri Vlodimir Zelenski X sosial hesabında yazıb.
Onun sözlərinə görə, əsirlər arasında əsgərlər, çavuşlar, zabitlər var. Bunlar Milli Qvardiyanın əsgərləri, o cümlədən Azov batalyonunun əsgərləri, sərhədçilər, ərazi müdafiə qoşunları, Hərbi Dəniz Qüvvələrinin və Ukrayna Silahlı Qüvvələrinin hərbçiləridir.
"Hər kəsin evdə onları gözləyən ailəsi və dostları var, onları geri qaytara bilməyimiz böyük sevincdir. Bu gün 189 ailə bunu bayram kimi qeyd edəcək. Biz digər vətəndaşları da rus əsarətindən azad etmək üçün çalışmağa davam edirik. Bu, bizim məqsədimizdir".
Zelenski əsirlərin mübadiləsində Ukraynaya kömək edən hər kəsə, o cümlədən BƏƏ-yə təşəkkürlərini bildirib.
Aybəniz Səfərova
16:45 30.12.2024
Oxunuş sayı: 15222
