Ermənistanın keçmiş müdafiə naziri Moskvada saxlanıldı
Ermənistanın keçmiş müdafiə naziri general-mayor Arşak Karapetyan Moskvanın mərkəzindəki polis bölməsinə çağırılıb.
Crossmedia.az xəbər verir ki, bu barədə Rusiya və Ermənistan KİV-ləri məlumat yayıb.
Rusiyadakı mənbələrin məlumatına görə, Karapetyan Ermənistan ərazisində axtarışa verilib. O, “qanunsuz sahibkarlıq fəaliyyəti ilə məşğul olmaq”, “vəzifə səlahiyyətlərindən sui-istifadə” və “hakimiyyətdən sui-istifadə” maddələri üzrə ittiham olunur.
Erməni mənbələri isə bildirir ki, Karapetyanın polis bölməsinə çağırılması Ermənistan hüquq-mühafizə orqanları tərəfindən göndərilən sənədlərlə əlaqədardır. Hazırda o, artıq polis bölməsini tərk edib.
Qeyd edək ki, Arşak Karapetyan 2021-ci ilin 3 avqustundan 15 noyabrına qədər Ermənistanın müdafiə naziri vəzifəsində çalışıb.
Gültac Mehdizadə
14:15 30.12.2024
Oxunuş sayı: 19503
