Bakının bu ərazisində nəqliyyatın hərəkəti dayandırılacaq
Bakının Binəqədi rayonunda Moskva prospektinin kənar yolunun Biləcəri enişi hissəsində nəqliyyat vasitələrinin hərəkəti məhdudlaşdırılacaq.
Crossmedia.az xəbər verir ki, “Report” bu barədə Bakı Şəhər Dövlət Yol Polisi İdarəsinə istinadən məlumat yayıb.
Bildirilib ki, təmir işləri ilə əlaqədar sentyabrın 4-də saat 20:00-dan etibarən sözügedən ərazidə nəqliyyat vasitələrinin hərəkəti tam məhdudlaşdırılacaq.
Məhdudiyyət təmir işləri başa çatanadək qüvvədə olacaq. Bu müddət ərzində Dövlət Yol Polisi əməkdaşları tərəfindən yol hərəkətinin təhlükəsizliyinin təmin olunması məqsədilə tənzimləmə işləri aparılacaq.
Bakı Şəhər Dövlət Yol Polisi İdarəsi sürücüləri müvəqqəti məhdudiyyətləri nəzərə almağa və yol hərəkəti qaydalarına riayət etməyə çağırıb.
13:36 04.09.2026
Oxunuş sayı: 50
