Qərbdən Ermənistana tələb: Rusiyalılara viza tətbiq et
Qərb Ermənistanın Rusiya turistləri üçün viza rejimi tətbiq etməsini tələb edib.
Crossmedia.az xəbər verir ki, “Hraparak” bu barədə Ermənistan hökumətindəki mənbəyə istinadən məlumat yayıb.
Məlumata görə, bu tələb Ermənistanın Avropa İttifaqı ilə vizasız rejim əldə etməsi ilə bağlıdır. Bildirilir ki, İrəvan bu şərti yerinə yetirərsə, Aİ bir neçə ildən sonra Ermənistanla viza rejiminin liberallaşdırılması prosesinə başlaya bilər.
Mənbənin sözlərinə görə, prosesin 2029-cu ildə başlaması planlaşdırılır.
Qeyd edək ki, bundan əvvəl Rusiya Xarici İşlər Nazirliyinin sözçüsü Mariya Zaxarova Ermənistanın Rusiya vətəndaşları üçün viza rejimi tətbiq etməsinin ölkə vətəndaşlarına zərər vuracağını bildirib.
Ermənistanın Baş naziri Nikol Paşinyan isə daha sonra ölkənin Rusiya vətəndaşlarına viza tətbiq etməyi heç vaxt gündəmə gətirmədiyini deyib.
12:26 04.09.2026
Oxunuş sayı: 56
