Lavrov: Rusiya Gürcüstanla münasibətlərin normallaşmasına hazırdır
Moskva Tbilisi ilə münasibətlərin normallaşmasına Gürcüstanın hazır olduğu qədər hazırdır.
Crossmedia.az xəbər verir ki, bu barədə Rusiya xarici işlər naziri Sergey Lavrov ilin yekunlarına dair verdiyi müsahibədə bildirib.
Qeyd edək ki, Lavrov Moskvanın Gürcüstanın daxili işlərinə qarışmaq niyyətində olmadığını vurğulayıb.
Bildirək ki, Gürcüstan 2008-ci il sentyabrın 2-də Abxaziya və Cənubi Osetiyanın müstəqilliyinin tanınması səbəbindən Rusiya ilə diplomatik əlaqələri kəsib. Diplomatik əlaqələrin kəsilməsi zamanı Gürcüstan XİN Rusiya ilə konsulluq əlaqələrini saxlayacağını açıqlayıb.
Nəzrin Salmanova
08:25 30.12.2024
Oxunuş sayı: 36769
