Xarici xəbərlər

Kiyevin 90 milyard avroluq planı ilə bağlı qərar verildi

Avropa İttifaqı Ukraynaya nəzərdə tutulan 90 milyard avroluq maliyyə yardımının daha erkən ödənilməsi məsələsini nəzərdən keçirmir.

Crossmedia.az xəbər verir ki, TASS bu barədə məlumat yayıb.

Avropa Komissiyasının mətbuat xidmətinin rəhbəri Paula Pinyunun sözlərinə görə, maliyyələşdirmə ilkin plana uyğun olaraq iki il ərzində Kiyevə təqdim ediləcək.

O bildirib ki, Ukraynanın ehtiyacları başa düşülsə də, hazırda əsas diqqət 90 milyard avroluq vəsaitin Kiyevə iki il ərzində ayrılmasına yönəlib.

Bundan əvvəl Avropa Komissiyasının nümayəndəsi Balaş Uyvari Avropanın Ukraynanın müdafiəsi üçün vəsaitlərin təsdiqi və köçürülməsini sürətləndirməyi planlaşdırdığını bildirmişdi. Onun sözlərinə görə, Kiyev 2027-ci il üçün nəzərdə tutulan kredit proqramından vəsaitin vaxtından əvvəl ayrılması ilə bağlı Avropa Komissiyasına rəsmi müraciət etməyib.

Ukrayna Prezidenti Vladimir Zelenski isə müdafiə büdcəsində 27 milyard dollar həcmində kəsir olduğunu açıqlamışdı. O, problemin həlli üçün 2027-ci ilə planlaşdırılan 90 milyard avroluq Avropa kreditinin bir hissəsinin vaxtından əvvəl istifadəsini təklif etmişdi.

Mövzular:

Avropa İttifaqı Vladimir Zelenski Avropa Komissiyası Kiyev 90 milyard avroluq maliyyə yardımı

🖨 Çap et

15:20 01.09.2026

Oxunuş sayı: 359