Prezidentin gündəliyi

İlham Əliyevdən Slovakiyaya MÜHÜM MESAJ – Qarabağın bərpası gündəmdə

Azərbaycan Prezidenti İlham Əliyev Slovakiya ilə tərəfaşlığın strateji olduğunu bildirib.

Crossmedia.az məlumat verir ki, bu barədə İlham Əliyevin Slovakiya Prezidenti Peter Pelleqriniyə ölkənin Konstitusiya Günü münasibətilə göndərdiyi təbrikdə deyilir.

"İyul ayında Azərbaycana səfərinizi, o cümlədən Qarabağ bölgəsini birgə ziyarətimizi ən xoş təəssüratlarla xatırlayıram. Slovakiyanın işğaldan azad edilmiş ərazilərimizin bərpasında iştirakını yüksək qiymətləndirir, bunu dostluğumuzun və strateji tərəfdaşlığımızın bariz nümunəsi kimi dəyərləndirirəm".

Dövlət başçısı əmin olduğunu bildirib ki, Azərbaycan ilə Slovakiya arasında ənənəvi dostluq əlaqələri, həm ikitərəfli, həm də çoxtərəfli əsasda qarşılıqlı fəaliyyət iki xalqın mənafelərinə uyğun olaraq birgə səylərlə bundan sonra da genişlənəcək, strateji tərəfdaşlıq daha da möhkəmlənəcək.

Mövzular:

İlham Əliyev Slovakiya Qarabağ azad edilmiş ərazilər strateji tərəfdaşlıq bərpa və quruculuq

🖨 Çap et

11:22 01.09.2026

Oxunuş sayı: 46