Xarici xəbərlər

Google-un Rusiyadakı planı üzə çıxdı: 8 brend gündəmdə

ABŞ-nin Google korporasiyası avqustun 26-27-də Rusiyada 8 brendinin qeydiyyata alınması üçün müraciət edib.

Crossmedia.az xəbər verir ki, bu barədə “Gazeta.Ru”ya kontragentlərin yoxlanılması üzrə “Rusprofile” xidməti məlumat verib.

Şirkət Google Drive, Google Cloud, Google Chat, Google Forms, Google Meet, Google Keep, Google Magic Pointer və Gmail əmtəə nişanlarını qeydiyyatdan keçirmək istəyir. Müraciətlərdə bu brendlərin bulud texnologiyaları, məlumatların saxlanılması və emalı, onlayn ünsiyyət, eləcə də süni intellektlə işləmə sahələrində istifadəsi nəzərdə tutulur.

Google-un bu xidmətləri vahid rəqəmsal ekosistem təşkil edir. Onların əksəriyyəti iş, kommunikasiya, bulud yaddaşı və gündəlik tapşırıqlar üçün nəzərdə tutulub. Magic Pointer isə Gemini əsasında hazırlanmış eksperimental süni intellekt texnologiyasıdır.

Google 2022-ci ildə Rusiyadan çıxıb. “Rusprofile”ın məlumatına görə, şirkətin Rusiyadakı hüquqi şəxsi 2022-ci ilin iyulundan müflisləşmə prosesindədir. 2023-cü ildən şirkətin gəliri sıfır göstərilir, 2025-ci ildə isə 470 milyon rubl mənfəət qeydə alınıb.

Mövzular:

ABŞ Google Rusiya Ekosistem Müflisləşmə 470 milyon rubl

🖨 Çap et

11:25 01.09.2026

Oxunuş sayı: 45