Xaçmazda yol qəzasında 1 nəfər ölüb, 6 nəfər yaralanıb - SORĞU
30 avqust 2026-cı il tarixində Bakı-Quba-Rusiya Federasiyası sərhədi ödənişli avtomobil yolunun Xaçmaz rayonu ərazisindən keçən hissəsində yol-nəqliyyat hadisəsi baş verib.
Bu barədə Crossmedia.az-ın sorğusuna cavab olaraq Tibbi Ərazi Bölmələri üzrə İdarəetmə Birliyi-dən bildirilib.
Qeyd olunub ki, hadisə ilə bağlı saat 23:20 radələrində Respublika Təcili və Təxirəsalınmaz Tibbi Yardım Mərkəzinə çağırış daxil olub. Hadisə yerinə təcili tibbi yardım briqadaları cəlb edilib. Müxtəlif bədən xəsarətləri alan 6 nəfər Xaçmaz Rayon Mərkəzi Xəstəxanasına çatdırılıb.
Xəstəxanada yaralılara zəruri tibbi yardım göstərilib. Həkimlərin apardığı reanimasiya tədbirlərinə baxmayaraq, yaralılardan birinin 31 avqust saat 00:10 radələrində öldüyü müəyyənləşib.
Hazırda 3 nəfərin müalicəsi Xaçmaz Rayon Mərkəzi Xəstəxanasında davam etdirilir. Onlardan 2-nin vəziyyəti ağır, 1-nin vəziyyəti orta ağır qiymətləndirilir.
Digər 2 nəfər isə daha ixtisaslı tibbi yardım göstərilməsi məqsədilə Quba Rayon Mərkəzi Xəstəxanasına təxliyə edilib. Onların vəziyyəti orta ağır qiymətləndirilir.
Zeynəb Həsən
14:21 31.08.2026
Oxunuş sayı: 57
