Ukrayna Rusiyanın bu bölgəsinə bir gündə 100-dən çox mərmi atıb
Ukrayna Silahlı Qüvvələri bir gündə Belqorod vilayətinə 100-dən çox mərmi atıb.
Crossmedia.az “News.ru”ya istinadən xəbər verir ki, vilayətin qubernatoru Vyaçeslav Qladkov Teleqram kanalında bildirib ki, Ukrayna Silahlı Qüvvələri son 24 saat ərzində Belqorod vilayətinə 100-dən çox mərmi atıb.
“Hücumlar nəticəsində bir mülki şəxs yaralanıb. Fərdi yaşayış evləri, elektrik xətləri və avtomobillərə ziyan dəyib. Bezymeno kəndi ərazisində partlayıcı qurğunun pilotsuz təyyarədən atılması nəticəsində bir yük maşını sürücüsü yaralanıb. Zərərçəkmiş Belqoroddakı 2 saylı şəhər xəstəxanasına yerləşdirilib”, - Qladkov yazıb.
Bundan əvvəl Qladkov Ukrayna Silahlı Qüvvələrinin pilotsuz təyyarələrinin hücumu nəticəsində bölgədə iki yerli sakinin yaralandığını açıqlamışdı. Onlar qəlpə yaraları alıb. Həkimlər lazımi köməklik göstəriblər.
Qladkov həmçinin qeyd edib ki, ukraynalı hərbçilər Belqorod yaxınlığındakı Şebekino şəhərində yaşayış binasına pilotsuz təyyarə ilə hücum ediblər. Partlayış nəticəsində mənzillərdən biri yanıb. Hadisə nəticəsində xəsarət alan olmayıb. Bütün sakinlər təxliyə edilib.
Bundan əvvəl Rusiya İstintaq Komitəsinin DXR üzrə hərbi istintaq idarəsinin mətbuat xidməti məlumat vermişdi ki, Ukrayna Silahlı Qüvvələri regionun məskunlaşdığı ərazilərə 9 dəfə zərbələr endirib. Onlar aydınlaşdırıblar ki, Ukrayna Silahlı Qüvvələri 22 mərmi atıb. Səkkiz mülki vətəndaşın yaralandığı vurğulanır. Bir yaşayış binasına və iki avtomobilə də ziyan dəyib.
Samirə Şərif
11:03 29.12.2024
Oxunuş sayı: 6180
