Rusiya KİV: Makronu qurucusu olduğu "Dirçəliş" partiyasından uzaqlaşdırmağa çalışırlar
Fransanın keçmiş baş naziri, "Dirçəliş" partiyasının baş katibi Qabriel Attal Fransa prezidenti Emmanuel Makronu partiyadan uzaqlaşdırmağa çalışır.
Crossmedia.az Rusiya mətbuatına istinadla xəbər verir ki, bu barədə "Fiqaro" qəzeti yazıb.
Nəşr Makronun bu partiyanın əsasını qoyduğunu diqqətə çatdırıb.
“Emmanuel Makronun bir sıra sadiq tərəfdarları "Monde" səhifələrində yer alan bəzi ittihamedici detallarda Attalın əlinin olmasında şübhələnir. Onlar, onu prezidentin özünün əsasını qoyduğu və fəxri sədri olduğu partiyada nüfuzunu azaltmağa çalışmaqda ittiham edirlər", - deyə qəzetdə qeyd olunub.
Nəşr, xüsusilə, "Dirçəliş"in “X” sosial şəbəkəsində partiyaya qoşulmaq dəvətinin mətninin "Fransa və Avropanın dirçəlişi naminə Emmanuel Makronun partiyasına qoşulun" çağırışının "Fransa və Avropanın dirçəlişi naminə bizə qoşulun" mətni ilə əvəzləndiyi məsələsinə diqqət çəkib.
Nəzrin Salmanova
15:42 28.12.2024
Oxunuş sayı: 26548
