Müəllim və şagirdlərin sayı açıqlandı
Hazırda Azərbaycanda 150 mindən çox müəllim, 1 700 000-dən çox şagird var.
Crossmedia.az xəbər verir ki, bu barədə Elm və Təhsil Nazirliyinin ilin yekunları ilə bağlı yaydığı məlumatda qeyd olunub.
Qeyd edilib ki, 2024-2025-ci tədris ili üzrə 134 min uşaq birinci sinifə qəbul edilib, 93 211 uşaq məktəbəhazırlığa gedib.
Həmçinin məlumat verilib ki, ümumilikdə ölkədə 4282 ümumi təhsil müəssisəsi fəaliyyət göstərir. Azərbaycanda 117 min uşaq məktəbəqədər təhsilə cəlb edilib.
Qeyd edilib ki, ölkədə bağçayaşlı uşaqların məktəbəqədər təhsilə cəlb olunma göstəricisi hazırda 35.7 faiz təşkil edir. Bu göstəricinin 50 faizə çatdırılması hədəflənir.e
Bundan əlavə, 2023-2024-cü tədris ilində yeni tikilən 14 məktəbəqədər təhsil müəssisəsi istifadəyə verilib.
Bu il ərzində 5 məktəbəqədər təhsil müəssisəsi isə əsaslı təmir olunub. Hazırda ölkə ərazisində 1676 dövlət məktəbəqədər təhsil müəssisəsi fəaliyyət göstərir.
08:20 28.12.2024
Oxunuş sayı: 21313
