Suriyanın informasiya naziri: Gizli əllər daxili fitnələr yaratmağa çalışır
Suriyanın paytaxtının Əl-Maze 86 bölgəsində və bəzi sahil şəhərlərində devrilmiş Əsəd rejiminin qalıqlarının vurulmasının ardından Suriya Müvəqqəti Hökumətinin Daxili İşlər Nazirliyi Dəməşqin Alamoyin kimi həssas bölgələrinə qüvvələr yerləşdirərək Meydan, Banias, Cəblə və Lazeqiyə şəhərlərində komendant saatı tətbiq etdi.
Məsələ ilə bağlı Suriyanın informasiya naziri Məhəmməd əl-Ömər gizli əllərin bu ölkədə daxili fitnələr yaratmağa çalışdığını vurğulayıb.
Hələbdə ələvilərin dini məkanının yandırılması ilə bağlı köhnə videonun yenidən dərc edilməsinə toxunan Əl-Ömər Əsəd rejiminin süqutundan bu yana oxşar hadisələrin qeydə alınmadığını bildirib.
Məhəmməd əl-Ömər Suriya televiziyasına bildirib ki, yeni Suriya hökuməti bütün dini və tarixi yerlərin qorunmasına tam sadiqdir və onları istənilən hücumdan qoruyacaq.
Suriyanın informasiya naziri əlavə edib ki, Əsəd rejiminin qızışdırdığı dini qarşıdurmalar dövrü başa çatıb və indi daxili sülhün qorunması yeni hökumətin ən öncül məqsədidir.
İran hökumətinin lideri Əli Xamenei köhnə müttəfiqi Bəşər Əsədin devrilməsindən sonra ən azı iki dəfə bununla bağlı çıxış etmiş, ötən həftə Suriyanın geri alacağına növbəti dəfə söz vermişdi. O, Suriyanın gənclərini yeni hökumətə qarşı durmağa təşviq edərək insanları etirazlara səsləmişdi.
10:28 26.12.2024
Oxunuş sayı: 3267
