Polşa məktəblərdə silah təlimini məcburi etdi
Avropanın ən təhlükəsiz dövlətlərindən biri hesab olunan Polşa, Rusiyanın Ukraynaya qarşı müharibəsini şiddətləndirməsi və müttəfiq ölkələrə yönələn təhdidlər səbəbindən təhlükəsizlik tədbirlərini gücləndirib. Bu çərçivədə Polşa hökuməti məktəblərdə silah təlimini məcburi edib.
Rusiyanın Ukraynanı işğalından sonra Polşa təhlükəsizliyini təmin etmək üçün müxtəlif addımlar atıb. Əvvəllər Polşa ordusu mülki şəxslərə “Ordu ilə Təlim” adlı kurslar keçmişdi. İndi isə hökumət məktəblərdə atəşli silahlarla bağlı təlimləri məcburi hala gətirib. Bununla Polşa, məktəblərdə atəşli silah istifadəsini öyrədən ilk Avropa İttifaqı ölkəsi olub.
Bu təlimlərdə tapançalar, hava tüfəngləri, kiçik silah modelləri və virtual lazer atış poliqonlarından istifadə ediləcək. Proqramın icra cədvəli isə məktəblərin maddi-texniki imkanlarına uyğun olaraq dəyişəcək.
Polşada atəşli silahların istifadəsi üzrə təlimlər keçirən “PM Shooter” adlı şirkət, Rusiyanın Ukraynaya müdaxiləsindən sonra daha əvvəl silah istifadə etməyən çox sayda insanın bu kurslara müraciət etdiyini açıqlayıb.
Polşa hökuməti bu təşəbbüslə vətəndaşların təhlükəsizlik sahəsində daha hazırlıqlı olmasını təmin etməyi planlaşdırır. Bununla yanaşı, bu addımın bəzi Avropa ölkələrində mübahisələrə yol açdığı qeyd edilir.
Emil Bağızadə
13:30 17.12.2024
Oxunuş sayı: 16763
