Şolts Putinlə yenidən danışacağını bəyan edib
Almaniya Kansleri Olaf Şolts Rusiya Prezidenti Vladimir Putinlə növbəti dialoqa hazır olduğunu açıqlayıb.
O, bu barədə RTL-ə müsahibəsində bildirib.
Kansler Rusiya Prezidenti ilə dialoqu "məyusedici" adlandırsa da, yenidən belə bir addım atacağını deyib:”“Putinlə söhbət xoşagəlməz oldu, amma onu təkrarlamağa hazıram. Bu, baş verməlidir və mən bunu yenidən edəcəyəm. Ancaq bu barədə illuziyalara qapılmamalısınız"
O.Şolts vurğulayıb ki, V.Putinlə dialoqu Rusiya Prezidentinin bir sıra məsələlərlə bağlı fikirlərini öyrənmək, o cümlədən onu qoşunları Ukrayna ərazisindən çıxarmağa çağırmaq baxımından əhəmiyyətli olub. Lakin Kansler V. Putinlə növbəti dəfə danışmaq istəyinin nə ilə bağlı olduğunu açıqlamayıb.
Qeyd edək ki, Almaniya Kansleri və Rusiya Prezidenti ötən ayın 15-də telefonla danışıblar. Onların telefon söhbətinin 1 saat davam etdiyi bildirilir. Şolts və Putin bundan əvvəl 2022-ci ilin dekabrında telefonla danışıblar.
13:51 12.12.2024
Oxunuş sayı: 15949
