Əsəd rejiminin süqutu tarixi fürsətdir - Bayden
ABŞ prezidenti Cozef Bayden üsyançılar hakimiyyəti ələ keçirdikdən sonra ilk dəfə Suriya haqqında müraciət edib. O bildirib ki, Əsəd rejiminin süqutu Suriya xalqı üçün tarixi fürsətdir:
"Suriyadakı vəziyyətlə bağlı son məlumatları almaq üçün səhər saatlarında milli təhlükəsizlik komandası ilə görüş keçirdim. Nəhayət, Əsəd rejimi süqut etdi. Bu rejim yüz minlərlə günahsız suriyalını vəhşicəsinə, işgəncəyə məruz qoyub və öldürüb. Mən səbrli Suriya xalqı üçün daha yaxşı bir gələcək qurmaq üçün tarixi fürsət" olduğunu düşünürəm. Lakin bunun eyni zamanda "risk və qeyri-müəyyənlik anı" olduğunu da əlavə edirəm".
Bayden əlavə edib ki, ABŞ Suriyanın yaratdığı riskləri azaltmaq üçün tərəfdaşlarla çalışacaq:
"ABŞ Suriyadan gələ biləcək təhlükələr fonunda İsrail, İordaniya, İraq və Livana dəstək verəcək və onların rəhbərliyi ilə məsləhətləşmələr aparacaq. ABŞ hakimiyyətin ötürülməsindən sonra Suriya müxalifəti ilə qarşılıqlı əlaqədə olmaq niyyətindədir".
14:13 09.12.2024
Oxunuş sayı: 6790
