Rusiya-Ukrayna müharibəsini bir gecədə bitirmək mümkün deyil
Kremlin sözçüsü Dmitri Peskov noyabrın 6-da keçirdiyi mətbuat konfransında Donald Trampın bəyanatlarına istinad edərək, Rusiya-Ukrayna müharibəsini bir gecədə bitirmək mümkün olmadığını söyləyib.
Bu yaxınlarda yenidən ABŞ prezidenti seçilən Tramp seçki kampaniyası zamanı Ağ Evə qayıtsa, Rusiyanın Ukraynadakı müharibəsini “24 saat” ərzində bitirəcəyini iddia edib. O, qələbə nitqini söyləyərkən mesajına bir daha eyham vuraraq, alqışlayan tərəfdarlarına “Mən müharibələri dayandıracağam” deyib.
"Biz dəfələrlə demişik ki, ABŞ Ukraynadakı münaqişəyə son qoymağa kömək edə bilər. Bu, təbii ki, bir gecədə edilə bilməz", - Peskov bildirib. O əlavə edib ki, Rusiya prezidenti Vladimir Putinin yeni seçilmiş prezident Trampı təbrik etmək planından xəbəri yoxdur.
Oktyabr ayında verdiyi məlumata görə, Trampın müharibəni “24 saat” ərzində bitirmək və ABŞ-ı Ukraynadan “çıxmaq” planı, çox güman ki, Ukrayna ərazisini verməklə və şərqdə muxtar vilayətlər yaratmaqla Rusiyanın xeyrinə olacaq.
17:15 06.11.2024
Oxunuş sayı: 15896
