Azərbaycan cüdoçuları “Böyük Dəbilqə”də mübarizə aparacaq
Azərbaycan Tacikistanın paytaxtı Düşənbədə keçiriləcək "Böyük Dəbilqə" turnirində 6 çəki dərəcəsində 8 cüdoçu ilə təmsil olunacaq.
Crosmedia.az Federasiyaya istinadən xəbər verir ki, milliyə böyüklərdən ibarət yığmanın böyük məşqçisi Slavko Tekiç rəhbərlik edəcək.
"Böyük Dəbilqə"də Balabəy Ağayev (60 kq), Yaşar Nəcəfov (66 kq), Vüsal Qələndərzadə (73 kq), Süleyman Şükürov (81 kq), Vüqar Talıbov, Elcan Hacıyev (hər ikisi 90 kq), Camal Qamzatxanov, Kənan Nəsibov (hər ikisi +100 kq) mübarizə aparacaq.
Turnirin ədalət təmsilçiləri arasında Azərbaycan Cüdo Federasiyasının hakimlər heyətinin üzvü, A kateqoriyalı beynəlxalq dərəcəli hakim Nazim Umbayev yer alacaq.
Qeyd edək ki, mayın 2-dən 4-nə qədər keçiriləcək yarışda 27 ölkədən 226 cüdoçu (123 kişi, 103 qadın) iştirak edəcək.
12:35 01.05.2025
Oxunuş sayı: 603
