2021-2024-cü illərdə mina problemi ilə bağlı 24 layihəyə 355 500 manat maliyyə dəstəyi ayrılıb
Postmünaqişə dövründə 383 vətəndaşımız mina partlayışında həyat və sağlamlıqlarını itirib. Ümumilikdə isə Azərbaycanda 4 minə yaxın mina qurbanı var. Bunu Qeyri-Hökumət Təşkilatlarına Dövlət Dəstəyi Agentliyinin Layihələrin idarəedilməsi departamentinin müdiri Elnur Bağırlı Agentlikdə Beynəlxalq Mina Xəbərdarlığı və Minatəmizləmə Fəaliyyətinə Yardım Günü ilə bağlı bu gün keçirilən “Minasız dünya - vətəndaş cəmiyyəti təşəbbüsləri” adlı tədbirdə çıxışı zamanı deyib.
O bildirib ki, hazırda ölkəmizin işğaldan azad edilmiş ərazilərində genişmiqyaslı minatəmizləmə işləri aparılır:
“Agentlik tərəfindən 2021-2024-cü illər ərzində 24 layihəyə 355 500 manat maliyyə dəstəyi ayrılıb. “Dayanıqlı inkişaf məqsədlərinə nail olmaq üçün sağlam ətraf mühit və minasız həyat” adlı beynəlxalq forum təşkil edilib.
Azərbaycan mina problemini Dayanıqlı İnkişaf Məqsədlərinin 18-ci məqsədi kimi irəli sürüb. Belə ki, Azərbaycan ərazisinin 1 milyondan çox minalarla çirkəndirilməsi, mina təmizləmə prosesinə beynəlxalq dəstəyin olmaması, Ermənistanın mina xəritələrini təqdim etməməsi və digər bu kimi hallar Azərbaycanın bu addımı atmasında əsas səbəb olub”, - E.Bağırlı qeyd edib. (trend)
10:48 04.04.2025
Oxunuş sayı: 1338
